Klubi ftesë tifozëve për ndeshjen me Skënderbeun. Për femrat, hyrja falas

208

Pavarësisht rëndësisë së ndeshjes me Skënderbeun dhe faktit që në këtë takim mund të mblidhen disa të ardhura për të paguar shumën që kërkon FSHF-ja për të luajtur me tifozë, drejtuesit e klubit të futbollit Vllaznia kanë vendosur që çmimet sërish të jenë të lira edhe për takimin me korçarët. Kështu një biletë në tribunën qendrore do të kushtojë 3 mijë lekë të vjetra. Edhe në tribunën përkrashi, një biletë do të kushtojë 3 mijë lekë ndërsa një biletë në tribunën pas porte do të kushtojë vetëm 2 mijë lekë.Por një tjetër vendim që ka marrë dje Bordi drejtues i klubit ka qenë ai i futjes së të gjitha femrave pa biletë në stadium. Dhe ky vendim nuk do të jetë vetëm për këtë ndeshje por për të gjitha takimet e Vllaznisë së këtij sezoni. Kjo bëhet me qëllim për rritjen e numrit të femrave të pranishme në ndeshje, çka do të ndihmonte në uljen e klimës së sharjeve dhe ofendimeve në stadiumet tona.Ndeshja e kësaj jave të fundit të këtij viti, do të zhvillohet të dielën në orën 17.00 dhe interesimi për të duket shumë i madh në rradhët e tifozërisë shkodrane.

www.vllaznia.al