Vllaznia firmos edhe me sulmuesin Andi Ribaj

245

Orët e fundit të merkatos së kampionatit shqiptar kanë sjellë një tjetër futbollist tek Vllaznia. Bëhet fjalë për sulmuesin 27 vjeçar Andi Ribaj. Ai ka mbërritur në Shkodër pasditen e sotme dhe pak minuta më parë ka mbyllur gjithçka sa i takon marrëveshjes me drejtuesit e klubit duke hedhur më pas edhe firmën në kontratë. Në këtë mënyrë, ai bëhet kësisoj futbollisti më i ri i Vllaznisë duke plotësuar edhe repartin e sulmit. Ai qe diten e neserme do t’i bashkohet ekipit ne stervitje duke u vene ne dispozicion te stafit teknik. Shpresojmë që Ribaj me eksperiencën që ka fituar dhe me aftësitë që posedon, të na ndihmojë për të arritur objektivat që skuadra do të ketë në sezonin e ri. Nuk na mbetet gjë tjetër veçse t’i urojmë mirëseardhjen këtij futbollisti në gjirin tonë.

© vllaznia.al