Amarildo Belisha, 300 ndeshje në kampionat me fanellën e Vllaznisë

237

Ajo e së dielës që shkoi ka qenë e veçantë për Amarildo Belishën. Kjo sepse në ndeshjen ndaj Bylisit, ai ka plotësuar numrin 300 të ndeshjeve zyrtare në kampionat si futbollist i Vllaznisë. Me këtë shifër, ai jo vetëm që është futbollisti me numrin më të madh të ndeshjeve të luajtura me këtë skuadër, por edhe ndër futbollistët me karrierën më të gjatë në gjithë historinë e klubit. Gjatë karrierës së tij Belisha ka provuar të luajë për dy sezone edhe në Kavajë me Besën dhe një tjetër me Flamurtarin ndërsa bashkë me sezonin aktual bën 14 sezone që luan për Vllazninë. Një mesfushor shumë punëtor që ka dhënë kontributin e tij maksimal për këtë skuadër. Ka arritur të fitojë me të edhe një titull kampion, një Kupë të Shqipërisë dhe një Superkupë. Mbase duhej të kishte patur më shumë trofe por edhe me kaq, nuk është keq. Edhe për atë se ka luajtur plot 300 ndeshje zyrtare në kampionat me fanellën kuqeblu. Ja karriera e plotë e 32 vjeçarit tek Vllaznia:

Amarildo Belisha

1998-1999 KF VLLAZNIA           1 ndeshje- 0 gola

1999-2000 KF VLLAZNIA           9 ndeshje- 0 gola

2000-2001 KF VLLAZNIA          23 ndeshje- 0 gola

2001-2002 KF VLLAZNIA          23 ndeshje- 2 gola

2002-2003 KF VLLAZNIA          24 ndeshje- 0 gola

2003-2004 KF VLLAZNIA          31 ndeshje- 0 gola

2004-2005 KF VLLAZNIA          30 ndeshje- 2 gola

2005-2006 KF VLLAZNIA          28 ndeshje- 0 gola

2006-2007 KF BESA

2007-2008 KF BESA

2008-2009 KF VLLAZNIA          32 ndeshje- 1 gol

2009-2010 KF FLAMURTARI

2009-2010 KF VLLAZNIA          15 ndeshje- 1 gol

2010-2011 KF VLLAZNIA          28 ndeshje- 0 gola

2011-2012 KF VLLAZNIA          23 ndeshje- 0 gola

2012-2013 KF VLLAZNIA          23 ndeshje- 0 gola

2013-2014 KF VLLAZNIA          10 ndeshje- 0 gola

——————————————————-

Totali:  300 ndeshje- 6 gola