Futbollistët e Vllaznisë stërvitje me dy seanca në ditë

212

Nën drejtimin e stafi teknik, ekipi i Vllaznisë ka vijuar përgatitjet për ndeshjen e rradhës, atë me Kukësin. Paraditen e sotme ai ka zhvilluar seancën e parë të kësaj dite nga dy të tilla që ka patur në plan të zhvillojë. E para ka patur si bazë të saj rritjen e anës muskulare të futbollistëve dhe për këtë arsye, ata “janë mbyllur” në palestër. Nën drejtimin e trajnerit të përgatitjes atletike Gjergji Poloska dhe zëvendëstrajnerit Fatjon Tafaj, lojtarët e Vllaznisë për rreth një orë kanë zbatuar programin e tyre. Stafi i ri po shikon të gjitha mundësitë për të rritur parametrat fizikë të futbollistëve të tij në mënyrë që ata t’i përballojnë siç duhet ndeshjet e mbetura deri në fund të dhjetorit në mënyrë që pastaj në janar kur të zhvillohen përgatitjet dimërore, gjithçka të jetë OK në këtë aspekt. Ndërkohë, pasdite futbollistët kanë vijuar programin stërvitor me seancën e dytë të zhvilluar në fushën sportive të Golemit.

© vllaznia.al