Vujadinoviç e Rajoviç, një garanci e madhe për kuqeblutë

322

Nëse ka diçka të mirë tek Vllaznia e sivjetme, sigurisht që ajo është dyshja e malazezëve e përbërë nga portieri Vujadinoviç e mbrojtësi Rajoviç. Ata kanë luajtur edhe më parë në Shkodër dhe kanë një mbështetje të madhe edhe në rradhët e tifozërisë kuqeblu. Paraqitja e tyre në ndeshjen me vlonjatët I ka dhënë shumë garanci skuadrës në prapavijë dhe kështu pritet të ndodhë edhe në vazhdim. Janë dy sportistë me cilësi shumë të mira dhe si të tillë vlerësohen shumë edhe nga ana e stafit drejtues që e kanë bazuar lojën tek ato. Përvoja e tyre e madhe por edhe aftësitë e treguara kudo ku kanë luajtur, kanë bërë që drejtuesit e Vllaznisë të insistojnë për t’i mbajtur në skuadër. Në fakt, me paraqitjet e tyre në fushë, dy malazezët i japin më shumë siguri skuadrës dhe kjo reflektohet edhe tek pjesa tjetër e futbollistëve. Drejtuesit e klubit shpresojnë që këta dy futbollistë të jenë pikë referimi edhe për pjesën tjetër të futbollistëve, kryesisht ata të rinj të cilët kanë se çfarë të mësojnë prej tyre.