Rikuperohet Semina, Gocaj i pamundur për nesër

52

Trajneri Canaj ka patur shpresë që t’i ketë të gjithë futbollistët në dispozicion për këtë ndeshje por nuk do të ndodhë kështu. Kjo ngaqë nga dy futbollistët të cilët kanë qenë në infermieri ditët e fundit, vetëm njëri ka arritur të rikuperohet. Bëhet fjalë për mbrojtësin shtatëlartë Klodian Semina që dje ka marrë përgjigje pozitive për të luajtur. Krejt ndryshe për gocajn i cili nuk ia ka dalë dot dhe për rrjedhojë do të mungojë edhe në Kukës madje rrezikon edhe ndeshjen e ardhshme me Tiranën.
Kuqeblutë sot stërvitja e fundit dhe nisja për në Kukës
Ekipi shkodran do ta zhvillojë në orën 14.00 në fushën sportive “Reshit Rusi” stërvitjen e fundit dhe vetëm tre orë më vonë, pra në 17.00 do të niset drejt Kukësit ku do të kalojë natën në pragndeshjen me skuadrën vendase. Konsiderohet një transfertë shumë e vështirë për kuqebl;utë që i kanë kushtuar një rëndësi të madhe këtij takimi.