Vllaznia nuk ia del, mundet 0-2 në Korçë ndaj Skënderbeut

275

Skuadra shkodrane nuk ia ka dalë të marrë pikë në ndeshjen e rradhës, atë të luajtur pasditen e së dielës në Korçë ndaj Skënderbeut. Ky i fundit ka fituar me rezultatin 2-0 me dy gola të shënuar në pjesën e dytë të ndeshjes. Në fakt, kanë qenë shkodranët ata që duhej të kishin shënuar të paktën dy herë me rastet që iu shfaqën sulmuesit Atsina. Një në pjesën e parë pikërisht në minutën e 18-të dhe një në pjesën e dytë. Dhe atë që nuk e bëri ai, e bënë korçarët të cilët përfituan nga gabimet e mbrojtjes kuqeblu në largimin e topave nga zona dhe për rrjedhojë përfituan Taku e Soue që shënuan në pjesën e dytë duke i dhënë tre pikë me shumë vlerë skuadrës së tyre. Nga ana tjetër, Vllaznia mbetet në kuotën e 6 pikëve. Java e ardhshme është pushim për shkak të grumbullimit të kombëtares dhe do t’i shërbejë skuadrës për t’u përgatitur për ndeshjen e rradhës, atë që do të zhvillohet më datë 15 nëntor në Shkodër ndaj Lushnjes.

© vllaznia.al