Dy futbollistë të Akademisë Vllaznia në Kombëtaren U-17

294

Lajme të mira për Akademinë Vllaznia. Dy futbollistë të saj do të grumbullohen në Kombëtaren U-17 nga trajneri Mustedanagiç për ndeshjet e rradhës zyrtare. Bëhet jalë për Egzon Shimën dhe Samuel Asllanin. Ditën e nesërme ato do të jenë në grumbullim në Durrës për ndeshjen zyrtare që ky ekip do të luajë gjatë këtyre ditëve. Nga lojtarët e grumbulluar, i pari ka qenë edhe më parë në këtë kombëtare ndërsa për Asllanin ky do të shënojë edhe debutimin e tij. Natyrisht që grumbullimi i këtyre dy futbollistëve nga Akademia Vllaznia është një tregues i mirë për vlerat që ato posedojnë ndonëse mund të kishte edhe ndonjë tjetër të grumbulluar. Kujtojmë se mbrojtësi Shima ka luajtur edhe me ekipin e 19 vjeçarëve të Vllaznisë në ndeshjen e parë të “UEFA Youth League” në Moldavi ndaj FC Zimbrus. Sakaq Asllani luan në rolin e sulmuesit të majtë dhe pritet t’i shfaqë vlerat e tij edhe në kombëtaren e kësaj moshe. Klubi Vllaznia u uron suksese këtyre dy sportistëve në ekipin kombëtare në mënyrë që të përfaqësojnë sa më denjësisht veten e tyre, klubin tonë por mbi të gjitha edhe fanellën kuqezi që do të mbajnë të veshur.
© vllaznia.al