Java XII “Abissnet Superiore”, Vllaznia – Skenderbeu

Sfida Vllaznia- Skënderbeu e vlefshme për javën e 12-të të kampionatit “Abissnet Superiore” është luajtur këtë të dielë në stadiumin “Loro Boriçi”, ku përfundoi me rezultatin 2-0.

Gjithçka u vendos në pjesën e parë ku janë shënuar të dy golat. Në minutën e 14-të ka shënuar kapiteni Balaj me një asist të Esat Malës. Ndërsa në minutën e 19-të ka shënuar Kevin Dodaj me një asist të Klinti Qato.

Pjesa e dytë u dominua sërish nga ekipi kuqeblu pavarësisht se korçarët u munduan të reagonin.

Skuadra jonë merr një fitore tjetër të rëndësishme duke shkuar kështu në kuotën e 21 pikëve.