Java XXXI “Abissnet Superiore”, Egnatia – Vllaznia

Në javën 31 të kampionatit “Abissnet Superiore” është luajtur sfida Egnatia – Vllaznia këtë të enjte në stadiumin “Egnatia Arena” duke nisur nga ora 20:00. Ndeshja ka përfundur me rezultatin 2-2 duke ndarë kështu të dyja skuadrat nga një pikë.

Pjesa e parë nuk ka patur shumë raste për skuadrën tonë dhe është mbyllur me avantazhin e rrogozhinasve 1-0. Ndërkohë pjesa e dytë nisi me sulme të njëpasnjëshme në portën kundërshtare por në minutën e 80-të Esat Mala arrin të shënojë golin e barazimit. Në minutën e 86-të skuadra e Egnatias ka kaluar në avantazh me golin e dytë të shënuar nga Fernando. Vetëm dy minuta më vonë ekipi ynë fiton 11 metërsh, i cili u ekzekutua nga Ildi Gruda duke barazuar kështu rezultatin .

Në përfundim të javës së 31-të, ekipi ynë renditet në vendin e tretë në tabelën e klasifikimit me 51 pikë.

Shpërndaje